कृषी कचरा व्यवस्थापन, माती परीक्षण, ठिबक सिंचन व सौरपंप वापर, जैविक शेती, पीक विमा, रोहयोतून सिंचन विहिरी, जनावरांसाठी गोठे, फळबाग, गोबरगॅस वापर, अशा शेती विषयक विविध योजनांवर जनजागृती करून आधुनिक तंत्रज्ञानाचा अवलंब करण्यास प्रोत्साहन दिले जात आहे जे, शेतकरी वर्गासाठी अत्यंत उपयुक्त आहे. याशिवाय आरोग्य,शिक्षण, पाणी, रोहयोतून रोजगानिर्मिती अशा चौफेर बाजूने गावाचा विकास घडविण्याचा प्रयत्न गावाला नवी दिशा देणारा आहे.

लोकचंद तुरकने - ज्येष्ठ शेतकरी

ग्रामपंचायत भजेपार अंतर्गत एकूण चार अंगणवाडी केंद्र कार्यरत आहेत. या चारही अंगणवाडी केंद्रांची आकर्षक बोलकी पेंटिंग ग्राम पंचायती केलेली असल्याने चिमुकल्यांना हे केंद्र अतिशय आकर्षित करत असून अंगणवाडीच्या जणू भिंतीही बोलू लागल्याची प्रचिती येत आहे. ईतर सुविधा देखील तेवढ्याच जबाबदारीने ग्रामपंचायत पुरवत असून उन्नत गावाचे नागरिक आणि कर्मचारी असल्याचा अभिमान आहे.

सौ. एम एम देवरे - मुख्याध्यापिका जि.प.प्राथ. शाळा

आरोग्य सेवेकडे बारीक लक्ष पर्यावरण, शिक्षण, पाणी, स्वच्छतेबरोबरच आरोग्याच्या सेवेकडे ग्रामपंचायतीचे बारीक लक्ष असते. पाण्याचे नमुने, आरोग्य तपासणी, रोगनिदान व शस्त्रक्रिया शिबिर, रक्तदान शिबिर, शुद्ध पाण्याची उपलब्धता या बरोबरच आरोग्य उपकेंद्रातील भौतिक सुविधा यावर सतत लक्ष असते. याचीच फलश्रुती म्हणजे आरोग्य उपकेंद्राला सुंदर माझा दवाखाना आणि कायाकल्प पुरस्कार जाहीर झालेत.

डॉ. दिनेश कटरे - समुदाय आरोग्य अधिकारी